Dinner With The Dons – Ramesh Singh Sikarwar: The Don Of Chambal (Hindi) | Unique Stories From India


YouTube app par ghanti bajao Aur 101 India ki sab nai stories ke update
paao Yaar, toh yeh daaku karta kya hai abhi? Arre! Gang mein shaamil hone ke liye sabse pehle
murder karna padega Jo dara, woh mar gaya Chambal ghaati India ka asli Wild Wild West Madhya Pradesh, UP aur Rajasthan ke beecho
beech Yeh jagah utni hi jungli hai jitni ki khoobsurat Par kyun? Yeh janne ke liye hum us nadi par jaa pahunche Jahaan se is kahani ki shuruaat hui hai Main hoon Doctor VC Aur yeh hai woh Chambal nadi Jis pe is ilaake ka naamkaran hua Kehte hain, pachisi mein shakuni ke haathon
badnaam hone ke baad Draupadi ne is nadi aur iske paani peenewaalon
ko shraap de diya Aisa shraap, joh kabhi mita hi nahi Us shraap ki vajah se is nadi ko Ganga aur
doosri nadiyon ki tarah Na toh kabhi pooja gaya Aur na hi isse jude koi tyauhaar manaye gaye Iski jholi mein jo gire Woh they magarmach Ghadiyal Beehad Aur bahut saare daaku Aaj bhi jab log Chambal ka naam lete hain,
toh kisi ke dimag mein yeh nadi nahi aati Par jo aata hai Woh hai bandookein Asla Aur khoon kharaba Isi khoon kharabe ko ek zamaane mein anjaam
dene waale ek daaku se main khaane pe milne jaa raha tha Ramesh Singh Sikarwar 32 daakuon ke gang ke sath Sikarwar ne 1970-80 ke dashak mein Ghaati ke Shivpur ilakey mein apna aatank
faila rakha tha 1984 mein surrender hone tak Sikarwar ki ginti thi 29 dakaitian 100 kidnapping aur 52 murder Par jaise hi mujhe laga ki Sikarwar ne Maar-kaat chhod kar saada kheti-baadi wala
kisaan jeevan apna liya hai Mere director ne yeh keh daala Yaar, toh yeh daaku karta kya hai abhi? Jab isne surrender kiya tha, toh isko bohot
sari zameen mili thi Uspe isne kheti-baadi shuru kar di Gaaon ka chuninda mukhiya bhi ban gaya Kya baat kar raha hai, toh ab sab normal? Normal to nahi bol sakte Kyunki abhi kuch saal pehle ki baat hai Iska naam kisi murder ke case mein uchhaala
gaya tha Toh yeh abhi jail se kuch hi saal pehle nikla
hai F**k, mujhe chambal mein mare hue logo ki
line mein shaamil nahi hona hai bhai Kash kismat humaare saath rahe Aur crew ke saath bhi Aur crew ke saath bhi Raaste main meri tabiyat bhi kharab ho chali
thi Zukaam aur bhukkar ki dohri maar Hindustan ke sabse aatanki hatyaaron mein
se ek se mulakat Din ko mazedaar banane ke liye aur kya chahiye? F**k, yeh daaku toh bohot killer dikh raha
hai bhai Mera naam VC hai Namashkar Namashkar Ek mujhe bhi de do bandook aur goli Aap mat lo bandook, humaare liye hi bahut
hai Bandook lena bahut mehenga pad jaata hai Parivaar chhodna padta hai, gaaon chodna padta
hai Alag hi desh banana padta hai Aur kisliye karna padta hai? Anyaay ke viruddh ladna padta hai Tum mat lo, yeh humaare liye hi bahut hai Theek hai Aao, mandir mein chaltein hain Chambal ke zyaadatar daakuon ki tarah Sikarwar bhi durga devi ke bahut bade bhakt
hain aur unke hi mandir mein mere swaagat ki tayyari
ki gayi thi Mujhe zukaam ho gaya hai Thodi chaay milegi? Bilkul milegi Chambal ki chaay? Haan, bilkul Suna hai kaafi alag hai yahaan ki chaay Yahaan ka paani taamsik hai Taamsik matlab? Gussa aa jaata hai, murder karne jaise lagta
hai Kya baat kar rahe ho, mujhe nahin karna hai murder karwa dene wali chaay ke baad ab baari thi gaaon ka saada nashta chakhne
ki Bahut badhiya Kya kya hai, ji? Daal, chaaval, roti Haan, yeh humaara roz ka bhojan hai Aap yeh le lo Yeh badal kyun di aapne? Main bhi badal loonga aapse Par yeh badalte kyun hain? Kaaran yeh hai Yeh thaali mere liye aayi hai Gang ke hum leader hain Koi sochega ki agar main mar jaaoonga Toh poori gang khatam ho jaayegi Agar isme kisi ne zeher daal liya hai Zeher Toh hum bach jaayenge, koi saathi mar jaayega Uski jagah koi aur aa sakta hai Par agar ped kat gaya toh daali kahaan se
aayegi? Hum khana kha hi rahe the, ki police aa gayi par beete dino ki tarah yeh sikarwar ke liye
jaal bicchhane nahi Balki bambai se aye hue film crew ko dekhne
ayi the Aap baagi kis saal mein aur kaise bane? 1976 mein bane the Apne chacha ki wajah se baagi banna pada Kya kiya tha aapke chacha ne? Humaare zameen aur jaaydaat ko lekar hua tha Parivaar mein jhagda hua Kisi ko apna hissa nahi dena tha Apne bhai se beimaani ki thi Aapke pitaji se beimaani ki thi? Haan, isliye baagi banna pada Jo bhi baagi bante hain, atyaachaar ki wajah
se bante hain To aapko bandook uhtaani padi Ji haan Chambal ke sabhi daakuon mein yeh ek samaanta
thi Nyaay karne ke liye police ki gairmaujoodgi
ke chalte Chambal ke haalat itne kharab ho gaye Ki sikarwar jaise logon ko laga ki unke paas Kanoon apne haathon mein lekar jallaad banne
ke alawa Aur koi chaara nahi tha Pehla murder jo kiya tha, woh Gulaab Dhaakad
ka tha Aur doosra? Uske baad ke… Yahin kuch 40-45 murder kiye hain Gang mein shaamil hone ke liye sabse pehle
murder karna hoga Bina murder kiye kisi ko gang mein nahi rakhaa
jayega Ho sakta hai woh police se mila hua ho Gang ko nasht karne ke liye Police prashaasan ne usko bheja hoga Gang mein jao, tumhein 2-10 laakh rupay mil
jaayenge Tumhara ladka police mein bharti ho jaayega Aur policewaala kabhi murder karega nahin Policewaala murder kartaa nahi hai Aap the apne gang ke gabbar Ji Toh aapke gang ka Saamba kaun tha? Humaari gang ka Saamba aapke paas baithe hain Toh aap teele pe baith jaate the? Haan ji Aur kya bolte the inko? Yeh kehte ki “lagaao isme goli” Toh boli ki goli maan lo Inhone boli, aur maine goli di Jo dara, woh mar gaya Moti-moti rotiyan aur ghee se sani daal khane
ke baad Time ho gaya tha Sikarwar ke baki ke gang
ko milne ka Jo unke ghar par ikathha hue the Aur bhai sab, kya introduction mila mujhe Yeh bansi, khushwaha Morena Yeh hain kalyan singh tomar Aur yeh Aakraman singh khushwaha Yeh inke bacche hain Aur inke naati Yeh do bhai hain Inhone Teliyon ko murder kiya Rathore bolte hain unko Inki zameen pe kabza kar liya tha unhone Isliye dono bhaiyyon ko maara Unka bachcha chhod diya Isko saath mein le gaye Jungle mein uski shaadi kar li In sab ke saath aap beehad mein rehte the Ji Toh khaane ka kya karte the? Kaise banate the aap? Jungle mein chalke aapko batate hain Hum kis tarah rehte the, kya khaate the Jungle mein andar chalke aapko batate hain Toh aap mujhe training denge matlab Haan training denge, dikhayenge woh jagah
kaisi hai Kabhi mauka aaya aur aapko baagi banna pada
toh? Bilkul Chalo, beehad mein chalke aapke darshan karate
hain Chalo, chalein? Toh tay ho gaya tha Yeh dekhne ke liye ki yeh daku purane zamaane
mein Kaise rehte the aur kya khaana peena khate
the Main dopeher ka khaana unke saath Unke puraane jungle ke adde pe khaane jaoonga Mere paas aur koi chaara bhi to nahi tha Daakuon ke ilaake mein to wohi chalta hai Jo daakuon ki sarkaar chahti hai Chalo beta, yeh samaan load karva do Ek ghante ke andar andar tractor ka jugaad
ho gaya Aur unmein laad diye gaye bartan, khana banane
ka samaan Aur bohot se gaonwalle Maine dekha ki jab ye daaku log hukum karte
hain Toh cheezein zara zyada tezi se chalti hain Jaldi rakh! Rakhwa diya? Chalo baitho gaadi mein Riwaaz ke mutabik, uparwalon ka jaykaara lagaane
ke baad Jai Bhavaani Jai Bhavaani Chal di toli jungle ki or Jaise hi main in logon ke saath thoda ghul
mil raha tha Tabhi Sikarwar ji ne mujhe ek aisi baat batai Jise sunke mujhe ehsaas ho gaya Ki jinke saath main hansi-mazaak kar raha
tha Who kisi jaamane mein is desh ke sabse bade
darindon main se ek the Isi kshetra mein ek baar humaara camp laga
hua tha Toh kisi ne jaake police ko mukhbari de di Ki gang yahaan hai, aap humaare saath chalo Woh police leke aa gaya Goliyan chal gayi Main camp par nahi tha Par apna ek saathi maara gaya Maine jaake poori jaankaari li Ki kisne goli chalwayi hai Toh pata laga kisne goli chalwayi hai Usi raat ko humnein 27 logo ko maara hai Kshtra poora bhaybhit ho gaya Prashaasan poora hil gaya Yeh pata lag gaya ki koi humaari mukhbari
karega Toh agli baar 27 nahi, 2700 maar doonga Uske baad koi mukhbari karne tayyar nahin
tha Murder se toh shaayad in daakuon ko koi dikkat
na ho Par sharab aur ladkiyon se yeh koson door
rehna pasand karte the Paan Singh Tomar ek baar humein mila tha jungle
mein Saath uske 6-8 aadmi the Woh log rum ki daaru pi rahe the Usko dekh ke mujhe bada gussa aaya Maine unse kaha, “Dada aap umar mein mujhse
bade ho” “Aap baagi hoke daaru peete ho?” “Daaru peena tha toh ghar rehte” Unhone kaha “Beta tum jaante nahi, daaru dava
hoti hai” Maine kaha “Dava nahi, yeh maut hai tumhaari” Wahaan main bas 10-20 minute ruka Daaru dekh ke mujhe bahut gussa aa gaya tha Jab aap log jungle mein rehte the Toh kabhi aisa laga ki ladkiyan bhi honi chahiye? Kyunki ek zaroorat hoti hai aadmi ki Jo aap keh rahe hain, woh sahi hai Par baagi aur babaji (yaani sant) In logon ko man pe control karna hota hai Toh aise bhi koi hote honge daaku jo bhatak
jaate honge Jo bhatak jaate hain, woh maare jaate hain Jaise apne saathi the Yahaan paas ek gaaon se ek ladki ko pakad
le aaye Uske saath galat kaam kiya Aur usko camp mein le gaye Main pooja kar raha tha Maine jab ladki ko camp mein dekha Poocha “Yeh ladki kaise hai yahaan” Mujhe bada gussa aaya Maine Prabhu se poochha ki ladki kaun laaya Usne do naam bole Maine kaha “Laga do goli dono ko” Prabhu ne donon ko goli maar di Aur ladki ko ghar chhod diya Dopahar ke khaane ke saath mein Humein moral science ke lecture bhi mil rahe
the Woh bhi daakuon se Yahi toh hai ghummakkad zindagi jeene ke faayde Finally sadkein khatam ho gayi Aur humein bataaya gaya ki baaki ka raasta
hum bina gaadi ke hi tay karenge Saath hi saath mein, mujhe is jhhund mein Apni aukaat ka bhi ehsaas kara diya gaya Main kar deta hoon madad Haan kariye, yeh lo Jinko hum pakad lete hain, woh samaan leke
chalte hain Matlab? Apharan. Aapka apharan ho gaya hai Aapne mera apharan kar liya? Haan, kar liya. Chaliye Arre! Chaliye, seedhe Main ek ghane jungle mein ghusne jaa raha
tha India ke kuch sabse khunkhaar daakuon ke saath Dopahar ke bhojan ke bahaane Mere paas na toh network tha Na hi koi dava-daaru Matlab agar main gaayab hua Toh mere shubhchintakon ko yeh bhi nahi pata
hoga Ki meri body ko kahan dhoondein At least itna poochna toh banta tha ki exactly
hum jaa kahan rahe the Yeh kya jagah hai bhaiyya? Yeh gaaon Murawan hai Yeh hai Tictoli Ab humein isme jaana hai andar Beehad bahut lambi chaudi hai Isi mein hum aaj rukenge, aaj yahin khaana
banega Jungle mein march karte hue mujhe yeh samajh
mein aane laga tha Ki yeh jagah daakuon ke liye itni sahi kaise
rahi hogi Yahan raste tang the, zameen rough thi Lekin daakuon ki pakad us par aisi thi Ki who aakhon par patti baandh kar bhi rasta
bata sakte the Police ke liye bhale hi jungle bhool bhualiya
ho Par in daakuon ke liye who unka ghar tha Lagbhag 2 ghante chalne ke baad hum us jagah
pahunch hi gaye Jahan kabhi Sikarwar aur gang chupa karte
the Yeh paani ki awaaz kahaan se aa rahi hai? Aage paani ka jharna hai Hum log yahaan rukte the Humaara ghar hai yeh Jungle mein rukte hain, toh baagiyon ki jagah
yeh hi hai Humaara ek santri (pehredaar) upar baitha
hua hai Abhi? Haan, abhi. Agar police aati hai, toh woh wahaan se bandook
fire karega Humein pata lag jayega Fire kar ke woh yahaan se neeche aa jaayega Hum seedhe nikal jayenge Police kuch kar nahi payegi Baagi aisi hi jagah par rehte hai Yeh ghar hain humaare Aao, dikhaate hain aapko Aao Wahaan gaonwale ka mela laga hua tha Aur khana itna ki daakuon ki poori fauj khaa
le Thik unhi puraane dino ki tarah, jab daakuon
ke camp Tyohaaron par sainkdo logo ko khaana khilaate
the Khaane main kya bana tha, yeh bataane ki zimmedaari
khud Sikarwar ji ne li Yeh baati hai Abhi yeh ghee mein dalenge Yeh khasta ban jayega, kha ke dekho Baagiyon ko desi ghee ke alawa bhindi, torai,
vagehra mil nahi paati Daal baati milti hai Aur yeh sabse paushtik hoti hai Taakat banaati hai Aur kya hai ji pitaare mein? Yeh daal ban rahi hai abhi Yeh baati ke saath mein khayi jaayegi Iska rang itna laal kyun hai? Isme mirchi dali hui hai Daaku mirchi zyaada khaate hain Kyun? Taaki gussa bane rahe Khane ki simplicity pasand se zyada zaroorat
thi Bhaagte hue zyaada option toh the nahin daakuon
ke paas Jab aap din mein 3 baar location badalte hain Aur gaon walo ke diye gaye ration par aapko
nirbhar rehna padta hai To aap apne aap saadgi mein raahat dhoond
lete ho Par iska matlab yeh nahi ki daaku khaane ke
baad Meetha nahin khaate the Yeh kya hai ji? Pakode type Ismein choorma ke laddoo banenge Ismein shakkar dalegi Kaju, kishmish, badaam, sab ismein dal jaayenge Kya baat hai Aur bazaar mein nahin milta yeh? Bazaar mein toh yeh Dalda ka banta hai Usse aadmi bimaar hota hai, gas banke mar
jaata hai Jungle ki chadhai, ya yun kahoon utrayi ne
mujhe thaka diya tha Aur upar se desi ghee main ban rahe khaane
ki mehak Bhukar aur bhook… Bada hi jaanleva combination tha Sikarwar ji Main toh aadha ho gaya hoon, chad-chad ke Bhook lagi hai aapko Mai aapki haalat samajh raha hoon Main idhar hi patte ki tarah miloonga gira
hua kahin Nahin, nahin, aapko khaana khilwaate hain Lao beta! Garam daal pi lena, zukaam sahi ho jaayega
aapka Yeh baati hai Itni bhook lagi hai, aise hi kha jaaonga main Toh Sikarwarji, aapne surrender kab kiya? 27 October, 1984 Kyun kiya surrender? Aisa laga ki ab bahut ho gaya? Poore kshetra ki janta kehne lagi Ki das saal ho gaye jungle mein rehte Ab toh surrender kar lo, sab pareshaan hain Tab ke mukhya mantri mile the – Arjun Singh Unhone kaha ki humein sab suvidha di jaayengi Zameen mil jaaye, rifle license mil jaayenge,
bachchon ko naukri mil jaayegi Bas surrender kar lo Sikarwar ne surrender karne se pehle sarkar
ke aage 18 shartein rakhin thi Jo karte karte sarkar ne aakhir maan hi li Matlab aam ke aam, aur woh bhi guthlion ke
daam Isse pehle ki main Sikarwar se poochta ki
unhe apne khoon kharaabe ka kabhi pachtaawa hua hai Kuch aisa hua, jo sirf Chambal ghaati main
ho sakta hai Unke gang mein se ek daaku ne upar ped par
kuch bandar dekhe Aur unhein apni bandook ke dhamake se daraana
munaasib samjha Ek second Jaanwar premiyon ke liye sandesh: bandar to
koi nahi maraa Lekin mere kaan ke pardon ke saath aur bahut
kuch phat gaya Aur nahin, aur nahin Thank you Bandar toh goli maarte hi bhaag gaye Toh Sikarwarji, itne saare saal ho gaye aapko
surrender kiye 32 saal ho gaye Kabhi aisa nahin hua ki aapko pashchataap
ho Ki kyun maara itne logon ko? Nahin, woh nahin hota hai Isliye ki jo log maare gaye, unke marne se
gaaonwaale khush hue hain Koi nirdosh aadmi marta hai, toh uska dukh
hota hai Nirdosh aadmi maara hai kabhi? Ek aadmi maaraa tha Kaun? Ek aadmi tha, Shivpur zilhe ka Humaare gangwaalon ko pyaas lagi thi Raat ka samay tha Tubewell ke paas so raha tha, khatiya pe uski
bandook rakhi thi Humnein kaha paani pilwa do Woh gaali dene laga Bola “Tum kaun ho?” Humnein kahaa “Yeh kooaan hai, yahaan duniya
paani peene aati hai” Haan, Bhagwaan ne rakha hai Humnein kaha bas paani pi ke nikal jaayenge Usne kahaan kisi ko paani nahi milega Humne kaha goli chal jaayegi, tu mar jaayega Maine uski rifle chheen li Woh gaali dene laga Maine kahaa hum baagi hai Awaaz nikaali toh maar doonga Usne kaha “Dekhein kaise maarega” “Teri maa ne doodh pilaaya hai toh maar mujhe” Maine tatkaal goli maar di Marne ke baad phir dukh hua Usse humaari koi dushmani nahi thi Kabhi aisa aadmi mar jaaye toh dukh hota hai Hala ki Sikarwar Gang jaise khoonkhar daakuon
ka time khatam ho chuka hai Par iska matlab yeh nahi Ki Chambal main ab daake nahi padte Sikarwarji ki maane toh aaj kal ke daakuon
ka bas huliya badal gaya hai Aaj ke zamaane ke dakait kaun hai? Aaj ke zamaane ke dakait Khaaki vardi waale aur safed vardi waale Donon dakait hain Safed vardi waale neta log hain Jo karodon rupay khaa rahe hain Ghotaale mein jaa rahe hain, jailon mein jaa
rahein hain Aur doosre dakait hai woh sarkaar jinhein
maanyata deke Jo khaaki vardi pehen ke road pe sare aam
logon ko loot rahein hain Motorcycle, truck, bus ko loot rahe hain Aur prashaasan sammohit baitha hua hai Unke paas license hai Unko koi kuch nahi kehta hai Bahut badhiya hai ji, laddoo toh Laddoo mein feel hai bhai Laddoo theek laga aapko? Laddoo mein feel hai Shehron mein boltein hain feel hai Andhera hona shuru ho gaya tha Aur Chambal mein sundowner ke baad toh Khud daaku bhi aapki zimmedari nahi lete Par is se pehle ki hum boriya bistar bandh
ke jungle se nikalte Prabhu Singh ne decide kiya ki woh humein
dikhayenge apni acting ka dum Jiske bal par woh busein loota karte the Jab main pakad karne jaata Toh aisa bhes bana ke, paagal ban ke jaata Toh driver mujhe gaadi mein bitha leta Gaadi mein baith ke, main revolver nikalta Aur driver ke kaan pe laga deta Main, Ramesh Singh Sikarwar goli laga doonga Driver ki hil jaati thi Aur bus ko do kilometer jungle mein le jaate Kuch logo ko pakad ke Baaki ko bhagaa dete Performance ke baad time ho gaya tha jungle
ko alvidaa kehne ka Jai Bhavaani Bahut dhanyavaad aapko Ab kabhi Bambai humko bhi ghumaao yaar Bilkul Aap jab marzi aaiye Hum aapki utni hi seva karenge Jitni aapne humaari ki hai Aise logon ko bahon mein bhar ke alvida kehna Jinhone kisi zamane main andhadhoond khoon
kiye hon Thoda ajeeb toh lagta hai Lekin in logon ke saath khaana kha ke Mujhe aakhirkaar Chambal ke dakuon ki mansikta
main jhakne ka mauka mila Inke liye inke apraadh, apne jaise gareebon
par ho rahe atyachar se ladne ka ek tareeka the Inhi cheezon ki vajah se Chambal itni daravni
jagah hai Yahan hinsa koi badi baat nahi hai Balki jeene ka ek zariya hai Agle din main ek aise aadmi se milne waala
tha Jiska kaam tha Chambal ki isi trademark hinsa
ko Daakuon ke khilaaf istemaal karne ka Ek encounter specialist, jiske encounteron
ki ginti Sikarwar ki ginti se dugni thi Ek beemar aadmi ke liye ye sab kuch zyaada
hi ho raha tha yaar Toh maine decide kiya ki chaadar taan ke sona
hi sahi rahega Kya pata Kal shayad kafan silwaana pade

About the author

Leave a Reply

Your email address will not be published. Required fields are marked *